الجواب: (1) شرائط مضاربت یہ ہیں : [1] رأس المال از قبیل شمن ہو اور وہ ثمن ایسی ہو جس کا چلن ہو،سامان کے قبیل سے نہ ہو۔ [۲] رأس المال معلوم المقدار ہو خواہ یوں کہ مقدار بیان کر دی جائے، خواہ یوں کہ اس کی طرف اشارہ کر دیا جائے۔ [۳] رأس المال عین (نقد) ہو، دین نہ ہو۔ [۴] رأس المال مضارب کو دے دیا جائے یعنی وہ اس پر پوری طرح قابض ہو جائے۔ [۵] نفع دونوں کے درمیان شائع ہو، مثلاً نصف نصف یا ایک تہائی یا دو تہائی یا ایک چوتھائی اور یوں نہ کہا جائے کہ مثلاً ۱۰۰؍ روپے لوں گا۔ [۶] ہر ایک کا حصہ معلوم ہو، لہذا اگر تردید کے ساتھ یوں کہا کہ تم کو آدھایا تہائی نفع دیا جائے گا تو مضاربت فاسد ہو گئی۔ [۷] مضارب کے لئے نفع دینا شرط ہو۔ اگر راس المال میں سے کچھ دینا شرط کیا گیا یا رأس المال اور نفع دونوں میں سے دینا شرط کیا گیا تو مضاربت فاسد۔ واللہ تعالیٰ اعلم (۲) صورت مسئولہ میں مضاربت صحیح اور یہ شرط فاسد کہ مضاربت میں نقصان رب المال کا ہوتا ہے۔ واللہ تعالیٰ اعلم (۳) مضاربت صحیح ہوگئی اور نقصان رب المال پر پڑے گا بحکم مضاربت فان المعروف کالمشروط، كذا فی الدر المختار ۔ واللہ تعالیٰ اعلم (۴) عقد فاسد کے ذریعہ وہ رقم ملی تو اس میں اختیار ہے، خواہ صاحب رقم کو واپس دے خواہ فقرائے مسلمین پر تصدق کر دے اور اگر کسی اور حرام ذریعہ سے ملی تو مالک کو واپس کرنا ضرور اور جو خرچ کر دے بہر صورت اس کا تاوان لازم اور عقد فاسد کا وہ حکم جب ہے جبکہ مسلم سے وہ معاملت فاسدہ کی ہو ورنہ غیر مسلم سے جو کچھ ملے وہ خالص مباح ہے جبکہ بے عذر شرعی اس کی رضا سے ملا ہو۔ ہدایہ میں ہے: لان مالهم مباح في دارهم فباى طريق اخذه المسلم اخذ مالا مباحا اذا لم يكن فيه غدر . واللہ تعالیٰ اعلم فقیر محمد اختر رضاخاں از هری قادری غفرله صبح الجواب۔ واللہ تعالیٰ اعلم قاضی محمد عبدالرحیم بستوی غفرلہ القوی (1) الهداية، كتاب البيوع، باب الربا ، ج۲، ص ۷۰، مجلس بركات اار ذیقعده ۱۴۰۱ھ نزیل میٹر تاسٹی، راجستھان