نماز میں لاؤڈاسپیکر کا استعمال ممنوع ہے! کیا فرماتے ہیں علمائے دین اس مسئلہ میں کہ : عیدین اور جمعہ کی نماز میں جماعت کثیر ہو تو لاؤڈ اسپیکر پر نماز پڑھی جائے یا نہیں ؟ جبکہ مختلف مرکزی جگہوں میں لاؤڈ سپیکر پر نماز پڑھی جاتی ہے اور اس امام پر جو فتاویٰ امجد یہ اور دیگر کتب کی رو سے لاؤڈ اسپیکر پر نماز پڑھانے سے انکار کر دے جسے عوام میں اس امام کے خلاف ہیجان برپا ہو اور عوام اس کو امامت سے برطرف کرنے پر مصر ہو۔ ایسی حالت میں آئندہ کیا کرنا چاہئیے ؟ بعجلت ممکنہ جواب باصواب مرحمت فرمادیں۔ عین نوازش و کرم ہو گا ، فقط ۔ آپ کا خادم علیم اللہ ، سکریٹری مدرسہ اسلامیہ گوپال منبج (سارن )