بنام حضرت قبلہ مفتی صاحب، مدرسه منظر اسلام، بریلی حضرت قبلہ اختر رضا خانصاحب دامت برکاتہم العالیہ ! اسلام علیکم کیا فرماتے ہیں علمائے دین و مفتیان شرع متین مسئلہ ہذا میں کہ: تكملة (1) ایک پاکستانی عورت ۲ سال میں چند بار بریلی آئی، ناجائز طریقے سے رہی، اب ماہ جنوری ۱۹۸۱ء میں پھر آئی ۳ بچوں کو اور شوہر کو چھوڑ کر مورخہ یکم فروری ۱۹۸۱ء میں ہندوستانی شوہر سے نکاح کر لیا، جس کی عدت نہیں ہوئی ہے نہ ہی طلاق ہونے کا ثبوت شرعی ہے۔ لہذا آپ سے مودبانہ عرض ہے کہ حکم شریعت مطہرہ سے آگاہ فرمایا جاوے۔ (۲) مسجد کا امام جو کہ مسجد کی امامت کے کام انجام دیتا ہے ، اپنے وطن کا ایک ۴ سالہ لڑکا اپنے ساتھ رکھتا ہے اور اس کو ایک ہی لحاف میں سلاتا ہے، چند مرتبہ تاکید کرنے پر بھی اس نامناسب فعل سے احتیاط نہ کی ہے، لہذا بحکم شریعت مطہر مطلع فرمایا جاوے۔ (۳) جس قاضی یا امام مسجد نے یہ نکاح پڑھایا ہے اور جو دیگر اہل محفل اشخاص ولی زوج وکیل و گواہان و قاضی بنے ہیں، بحکم شریعت مطلع فرمایا جاوے کہ ہم مسلمانوں کو ان کے ساتھ کس طرح رابطہ رکھنا چاہئے ؟ ارشادر سول کے حکم سے واضح فرمایا جاوے۔ فقط المستفتی: خادم حافظ اسرار حسین رضوی ولد عبدالنبی تکیہ ،ماسٹر صدیق احمد وصابر حسین ساکن محلہ بہاری پور معماران، بریلی شریف