کیا فرماتے ہیں علمائے دین و مفتیان شرع متین مندرجہ ذیل سوالوں میں کہ: زید مسجد کے قریب رہتا ہے اور اپنے کو مسلمان کہتا ہے ، اس کا کردار یہ ہے کہ وہ مسجد کو کسی نہ کسی طرح سے نقصان پہنچا رہا ہے یعنی اس نے مسجد کی پشت کی جانب پچھیت سے ملا کر درخت لگارکھے ہیں جس سے مسجد کی پچھیت کو نقصان پہنچے ۔ ۲۔ مذکورہ درختوں کی وجہ سے ایک مینار بھی مسجد کا گر گیا۔ زید نے مسجد کی کچھ آراضی پر غاصبانہ قبضہ کر کے ایک کمرہ بھی بنالیا ہے اور کمرے کے جانب پورب باقی افتاده زمین مسجد پر قبضہ کرنا چاہتا ہے۔ ۴۔ جب زید کے مذکورہ بالا فعل بد پر اس سے کہیں تو وہ گالی گلوچ اور مار پیٹ پر آمادہ ہو جاتا ہے اور جو مسلمان اس سے اس کے فعل مسجد کے خلاف کو منع کرتے ہیں تو وہ ان سے جھگڑا کرنے کے لئے غیر مسلم اور رافضیوں کو جمع کرتا ہے۔ لہذ ادریافت طلب یہ ہے کہ زید کا مذکورہ بالا فعل جائز ہے یا نہیں ؟ اگر نہیں تو زید پر شرعاً کیا حکم ہے ؟ اور مسلمانوں کو زید کے ساتھ کیسا تعلق رکھنا چاہئے ؟ یعنی زید کو کس فرقے کا فرد سمجھنا چاہئے ؟ اور جو مسلمان زید کے فعل بد مذکورہ بالا کو برا سمجھتے ہیں ان کا یہ فعل صحیح ہے یا نہیں ؟ فقط ، والسلام احقر : سید محمد رفعت علی فاطمی منصوری، محله خدا گنج خورد (بہار)