وغیرہ کے خلاف آواز اٹھانا شروع کیا مگر کچھ نتیجہ نہ نکلا۔ ڈھول تاشہ وغیرہ زید کے ہی دروازہ پر محلے کے لوگ آکر بجاتے تھے ، زید ہی کے دروازے پر ایک پلاٹ ہے جس پر کہ ہر سال جلسہ سیرت پاک ہوتا ہے ، اس زمین پر محرم کا پھاٹک وغیرہ لوگ بناتے تھے اور جشن مناتے تھے ۔ امسال زید نے محرم کرنے سے یعنی تعزیہ و براق بنانے سے انکار کر دیا اور معافی والی زمین کو بیع کر دیا اور سیرت والی زمین پر پھاٹک وغیرہ بنانے سے منع تو نہیں کیا مگر محرم ختم ہونے کے بعد پھاٹک اکھاڑ کر پھینک دیا کیونکہ وہ پلاٹ زید کے ضمن میں ہے اور اس پر زید کا قبضہ بھی عارضی طور پر ہے ، زید اس زمین سے اصولی بھی کرتا ہے۔ سیرت پاک کے موقع پر زمین خالی کر دیتا ہے پھر بدستور قائم ہو جاتا ہے۔ ان باتوں سے زید کے محلہ والے تعزیہ دار زید کو بہت برا بھلا کہنے لگے اور زید پر شدید ظلم بھی کرنے لگے اور کہتے ہیں کہ زید کرے اور تعزیہ براق وغیرہ بنائے، ورنہ مستحق جہنم ہے۔ (نوٹ) زید اپنے آپ کو پکا بریلوی اور حضور مفتی اعظم ہند مد ظلہ کا غلام بھی بتا تا ہے ۔ اب دریافت طلب یہ ہے کہ زید نے جو معافی کی زمین کو بیع کیا، جائز ہے یا ناجائز ؟ اور جو تعزیہ و براق بنانابند کیا اور تعزیہ اور ان کا پھاٹک پھینکا، یہ فعل حرام ہے یا حلال؟ برائے کرم شریعت کی رو سے زید پر کیا حکم نافذ ہو جاتا ہے ، ارشاد فرمایا جائے تاکہ لوگ مطمئن ہوں۔ فقط ! محمد جعفر، پوسٹ مقام کھتیہ سرائے ضلع جونپور