الجواب: ہندہ کو زید جبکہ تین طلاقیں دے چکا تھا تو زید و ہندہ کو بے حلالہ ساتھ رہنا حلال نہ تھا۔ اگر حلالہ نہ ہوا اور وہ دونوں یونہی بے نکاح ساتھ رہے تو اشد گناہگار مستوجب نار، دونوں پر تو بہ فرض ہے اور فوراً علیحدگی ضرور ۔ اور ہندہ کو اختیار ہے کہ جس کے ساتھ نکاح جائز ہو، اس سے نکاح کر لے اور زید کے ساتھ رہنا ہو تو دوسرے شوہر سے بعد جماع طلاق لے اور عدت کے بعد زید سے نکاح کرلے اور اگر ہندہ حلالہ کراچکی اور دوبارہ زید سے نکاح صحیح کر چکی تو بعد کی تین طلاقیں بے شہادت شرعیہ ثابت نہ ہوں گی۔ لہذا اہندہ زید ہی کی بیوی رہے گی اور اسے دوسرا نکاح حلال نہ ہوگا مگر ہندہ جبکہ تین طلاقوں کی مدعیہ ہو تو اسے زید کو اپنے اوپر قابو دینا جائز نہیں۔ بزاز یہ پھر در مختار میں ہے: قالت طلقني ثلثا ثم ارادت تزويج نفسها منه ليس لها ذلك اصرت على ذلك ام اكذبت نفسها. ) واللہ تعالیٰ اعلم فقیر محمد اختر رضاخاں از هری قادری غفرله ۵/ رمضان المبارک ۱۴۰۱ھ (1) الدر المختار، کتاب الطلاق، باب الرجعة، ج ۵، ص ٥٥ ، دار الكتب العلمية، بيروت