کیا فرماتے ہیں علمائے دین و مفتیان شرع متین مسئلہ ذیل میں کہ : (1) تراویح کی چار چار رکعت کے بعد ہر ہر ترویحہ میں جماعت کے چند افراد بلند آواز سے تسبیح پڑھتے ہیں پھر امام دعامانگتے ہیں اس کے بعد پھر چند افراد پہلی ترویجہ میں حضور اکرم ﷺ کی تعریف ، دوسری میں حضرت ابوبکر صدیق رضی اللہ تعالیٰ عنہ کی، تیسری میں عمر فاروق رضی اللہ تعالیٰ عنہ کی، چوتھی میں حضرت عثمان غنی رضی اللہ تعالیٰ عنہ کی اور پانچویں میں حضرت علی رضی اللہ تعالیٰ عنہ کی تعریف اور دوسری سے لے کر پانچویں تک تذکرہ خلافت کرتے ہیں۔ یہ عمل عرصہ دراز سے ہوتا چلا آرہا ہے ۔ مندرجہ بالا عمل کرنا درست ہے یانا جائز ہے ؟ ایسا کرنے میں شرعی رکاوٹ ہے یا نہیں ؟ (۲) رمضان المبارک کے مہینہ میں عشاء کی اذان کے بعد اور فرض نماز کی جماعت سے قبل لاؤڈ اسپیکر میں اذان کے بعد آدم علیہ السلام، نوح علیہ السلام، ابراہیم خلیل اللہ، اسماعیل ذبیح اللہ ، موسیٰ کلیم اللہ ، داؤد علیہ السلام اور حضرت محمد صلی اللہ کے نام پکار کر سلام بھیجا جاتا ہے۔ کیا یہ عمل درست اور جائز ہے ؟ اسے صلاۃ کہا جاتا ہے۔ اس عمل کو کرنے میں کوئی حرج ہے؟ فقط معین الدین ایڈووکیٹ ، ایوت محل، مہاراشٹر