الجواب: سائلہ : خدیجہ خاتون رضویہ ہاشمیہ حسینیہ ، کالاو ضلع جام نگر، گجرات (1) جعدہ کی زہر خورانی کی طرف نسبت بہت کتابوں میں مذکور ہوئی ہے مگر بعض روایات سے پتہ چلتا ہے کہ اس امر کا شرعی ثبوت بہم نہ پہنچا بلکہ لوگوں کا ایسا گمان تھا کہ جعدہ جو امام حسن کی زوجہ تھی اس نے امام ممدوح کو زہر دیا ہے۔ چنانچہ تاریخ انسیس میں ہے: فزعموا انها سمته . (1) (1) تاريخ الخميس في احوال انفس نفيس للعلامة الشيخ حسين ابن محمد ابن الحسن الديار بكری، ج ۲، ص ۲۹۳ ذكر وفات الحسن ابن على. لہذا اس مسئلہ میں سکوت چاہئے اور سوال میں جو یہ لکھا کہ ”جعدہ کی وکالت کی ہے “ یہ عالم دین کی شان میں سخت سوء ادب کا کلمہ ہے، انہیں جعدہ سے کیا رشتہ کہ اس کی وکالت کرتے ؟ ان کی بحث کا مفاد اس قدر ہے کہ بے ثبوت شرعی کسی کو متہم کر ناروا نہیں ہے اور جعدہ کی طرف اس امر کی نسبت شرعا ثابت نہ ہوئی اور اعلیٰ حضرت علیہ الرحمہ کا فرمان اکثر روایات کے بابت ہے ۔ واللہ تعالیٰ اعلم (۲) مطلقا لا پرواہ اور بے پرواہ غالبا معنی فاسد میں مستعمل ہوتا ہے لہذ الا پر واہ مطلق بے ذکر متعلق بولنا نا جائز ہے اور عالم مذکور کا تفرقہ مزعومہ باطل ہے اور عالم سے بے پرواہ، جہاں سے بے پرواہ بایں معنی کہ اللہ تعالیٰ عالم میں کسی شے کا محتاج نہیں، خاص صفت باری تعالی ہے: إِنَّ اللَّهَ لَغَنِيٌّ عَنِ الْعَلَمِيْنَ . تو اس طرح بولنا بلا شبہہ جائز ہے ۔ واللہ تعالیٰ اعلم (۳) دلبر نہ کہیں، محبوب خدا (علیہ السلام) کہیں اور رحمن خاص خدا کا نام ہے ، غیر خدا پر اس کا اطلاق حرام بلکہ عند الفقہاء کفر ہے کمافی شرح الفقہ الاکبر۔ واللہ تعالیٰ اعلم (۴) یہ روایت صحیح نہیں، محققین نے اس کے عدم صحت پر تنبیہ فرمائی اور تصریح فرمائی کہ انبیاء تمام منفرات سے معصوم ہیں۔ البتہ جسم مبارک میں آبلہ پڑ گئے تھے ۔ واللہ تعالیٰ اعلم (۵) بے شک درست ہے اور اکمال میں فہرست صحابہ میں شمار کیا ہے۔ واللہ تعالیٰ اعلم فقیر محمد اختر رضاخاں از هری قادری غفرله شب ۱۹ر شعبان ۱۴۰۱ھ لقد اصاب من اجاب۔ واللہ تعالیٰ اعلم قاضی محمد عبد الرحیم بستوی غفرلہ القوی دارالافتاء منظر اسلام، محله سوداگران، بریلی