کیا فرماتے ہیں علمائے دین ومفتیان شرع متین بیچ اس مسئلہ کے: ایک مولوی صاحب (زید) سنی مدرسہ میں زیر تعلیم ہیں۔ اور مسجد میں امامت وخطابت کے فرائض بھی انجام دے رہے ہیں۔ بلکہ سنیت کا پر چار کرتے ہیں اور اکابرین دیابنہ کے عقائد سے بھی بخوبی واقف ہیں گے۔ ایک بار جمعہ میں تقریر کرتے ہوئے واقعہ معراج شریف بیان کیا۔ اور ایک جگہ یوں کہا کہ حضرت مولانا اشرف علی تھانوی صاحب رحمتہ اللہ تعالیٰ علیہ نے فرمایا جو کہ چند سنی العقیدہ حضرات کو انتہائی ناگوار گزرا پھر کچھ مقتدیوں کے سامنے پوچھا گیا۔ تو مولوی صاحب نے فرمایا کیا ہوا؟ ہمارے علمائے اہل سنت بھی اپنی کتابوں اور تقریروں میں لکھتے ہیں اور ایسا ہی کہتے ہیں اور مخصوص نام حضرت علامہ الحاج مولانا محمد شفیع صاحب اکاڑوی مدظلہ ( مقیم کراچی ) کا لیا۔ وہ بھی انہیں رحمتہ اللہ علیہ کہتے ہیں پھر کہنے لگے کہ مجھ سے یہ غلطی سہوا ہوگئی ہے۔ کیا ہمارے علماء (سنی) ان دیلینہ کے لئے رحمتہ اللہ علیہ کہ اور لکھ سکتے ہیں؟ اور آیا ان لوگوں (دیوبندیوں ) کو ایسے کہنا جائز ہے؟ اور واقعہ مذکورہ کے بعد مولوی صاحب کے پیچھے جو نمازیں ادا کی گئیں اور پڑھی جارہی ہیں اور آئندہ نمازوں کے بارے میں کیا حکم ہے؟ اور کیا ایسا شخص قابل امامت ہے؟ خدا را اس سوال پر پوری طرح غور فرماتے ہوئے حکم شرع سے آگاہ فرمائیں۔ بینوا توجروا عبدالشکور قادری رضوی واراکین بزم رضا