محترم بزرگ جناب قاضی صاحب! بندہ ناچیز کا ہزاروں السلام علیکم ورحمتہ اللہ و برکاتہ میں پریشانی کے عالم میں آپ سے التجا کر رہا ہوں برائے مہربانی سوال کا جواب مدلل دیں گے۔ ایمان کا سوال ہے۔ عزت کا سوال ہے، عقیدہ کا سوال ہے۔ اللہ کا واسطہ ہے رسول کریم صلی اللہ علیہ وسلم کا واسطہ دے کر آرزو پیش کر رہا ہوں۔ اس نا سمجھ کو جواب دے کر شکریہ کا موقع دیں تو عین کرم، مہربانی ہوگی۔ میں جواب کے لئے جگہ چھوڑ دوں گا ۔ فقط محمد عبدالعزیز انصاری۔ (1) کیا فرماتے ہیں علمائے دین و اہل سنت و جماعت کہ جس میلاد شریف میں قیام نہ کیا جائے اور صرف قرآن مجید پڑھ کر دعا کی جائے پھر یہ میلاد شریف اہل سنت کا طریقہ ہے یا وہابی کا ؟ جواب مدلل ہو۔ (۲) جس میلاد شریف میں قیام کیا گیا اور فاتحہ نہیں پڑھی گئی پھر یہ میلادشریف اہل سنت کے طریقہ پر ہوئی یا وہابی کے طریقہ پر جواب دیں گے۔ (۳) ہماری مسجد میں پیش امام صاحب آج قریب قریب سات آٹھ سال سے ہیں دعویٰ کرتے ہیں اپنے سنی ہونے کا لیکن اسی طرح کرتے ہیں جیسا کہ میں نے اوپر سوال میں ذکر کیا پھر ان کے بارے میں کیا خیال کیا جا سکتا ہے؟ مہربانی کر کے جواب دیں گے۔ یہاں سب بریلی خیال کے لوگ ہیں۔ بڑی الجھن میں ہوں۔ جواب دیں گے۔ (۴) مذکورہ مولوی کے پاس اگر کوئی بھی جاتے ہیں کہ مولوی صاحب چل کر فاتحہ کر دیں تو جواب دیتے ہیں کہ فاتحہ کرنا کوئی ضروری نہیں۔ پھر مذکور پیش امام کے بارے میں کیا خیال کریں جبکہ دعویٰ سنی کا پھر فاتحہ اور قیام سے بھاگتے ہیں موقع مل جاتا ہے تو اپنا کرتے ہیں ضرورت پڑنے پر کھڑے ہو جاتے ہیں جواب دے کر ہم لوگوں کو روشنی دیں۔ استفانی محمد صدیق، ایکس۔ پی۔ اور ناہید اضلع ( برگزه، آسام