منبع کمالات و فضائل محترم المقام واجب الاحترام جناب مفتی صاحب زید مجد کم ! السلام علیکم، مزاج شریف! بعدۂ عرض اینکہ ایک مسجد میں ایک امام جو قلیل عرصہ سے امامت کر رہے ہیں اور وہ مسجد اہل سنت والجماعت کی ہے اس مسجد میں ایک دن تبلیغی جماعت والے کی آمد کی امید تھی ایک شخص جو اہل سنت والجماعت کا عقیدہ رکھتا ہے وہ امام صاحب کی خدمت میں حاضر ہوا اور دریافت کیا کہ معلوم ہوا ہے کہ اس مسجد میں جماعت آنے والی ہے۔ اگر مسجد میں جماعت آ گئی تو مقتدی کم ہو جائیں گے لہذا آپ منع فرمادیں ، امام صاحب نے عرض کیا کہ میں منع کر چکا ہوں ویسے تو ہم دونوں طرف ہیں جیسا ماحول دیکھتے ہیں ویسا کام کرتے ہیں۔ میں خود تبلیغی جماعت میں جاتا ہوں جبکہ مسجد میں نمازی کثرت سے آتے ہیں فی الوقت مسجد میں خلفشار پھیلا ہے کچھ مقتدی حضرات نے مسجد جانا ترک کر دیا ہے۔ لہذا ایسے امام کے لئے کیا فتویٰ ہے؟ ۔ آپ برائے کرم جلد تحریر فرما ئیں ۔ مع سند کے مع مہر کے۔ فقط ۔ والسلام