علماء انبیاء کے وارث ہیں، مگر بد عقیدہ کو نائب نبی سمجھنا، لکھنا حرام بلکہ کفر ہے! کیا فرماتے ہیں علمائے دین ومفتیان شرع متین اس عالم کے بارے میں جسے اس کے ماننے والے خلیفہ مرسلین لکھیں۔ اور وہ انہیں کچھ نہ کہے، جبکہ اس کی عادت ہے کہ اس قسم کی باتوں پر بلکہ معمولی چوک پر بھی روک ٹوک کیا کرتا ہے۔ کیا ایسا لکھنا جائز ہے اور کیا اس شخص کا اس پر خاموش رہنا، گو یا خود کو واقعی خلیفہ مرسلین سمجھنا درست ہے؟ یا اس کی شیطانیت ہے۔ یہ لقب اقدس جبکہ خلیفہ برحق فاروق اعظم رضی اللہ نے اپنے حق میں استعمال فرمانے سے منع فرمایا کہ ابوبکر (رضی اللہ عنہ ) کے سوا اس کا مستحق کوئی نہیں۔ اور چودہ سو سالوں سے اب تک کسی کے لئے استعمال نہ ہوا تو کجاوہ مذکور عالم مجہول الحال نہ صرف خلیفہ رسول بلکہ خلیفہ مرسلین کہلائے۔ اور وہ نامعقول اس سے راضی ہو۔ کیا ایسا کہنا درست ہے؟ اور یہ کہ ایسوں کو شریعت مطہرہ کیا فرماتی ہے؟ بینوا توجروا احسان الرحمن عزیزی