(1) ہندو جو پیشانیوں پر صندل کا قشقہ تلک ٹیکا لگاتے ہیں یہ اُن کا مذہبی شعار ہے یا نہیں؟ اور مسلمانوں کے لئے ایسا کرنے پر شریعت کا کیا حکم ہے؟ اور یہ عمل تشبہ مع الکفار ہے یا نہیں؟ (۲) بزرگان دین کے عرس کے موقع پر مزارات پر صندل چڑھتا ہے تو مزار شریف کے چڑھے ہوئے صندل کا قشقہ تلک مسلمانوں کو لگانا لگوانا جائز ہے یا حرام ہے یا کفر ہے؟ (۳) زید مزار شریف کے چڑھے ہوئے صندل کا قشقہ تلک ٹیکہ لگانا مسلمانوں کو جائز بتاتا ہے تو زید کا قول کیسا ہے؟ اور زید پر شریعت کا کیا حکم ہے؟ اور زید کے پیچھے نماز وغیرہ کی اقتدا کرنی کیسی ہے؟ اور اس سے مسائل شرعیہ دریافت کرنے کیسے ہیں؟ اور زید کے نکاح پر کچھ اثر ہے یا نہیں؟ (۴) یہاں پر ایک مجاور ان پڑھ ہے جو ایک بزرگ کے مزار پر رہتا ہے وہ عرس کے موقع پر مزار کا چڑھا ہوا صندل مسلمانوں مردوزن، بچوں کی پیشانیوں پر قشقہ تلک وغیرہ لگاتا ہے، ایک مولوی سنی نے منع کیا کہ یہ تشبہ بالکفار ہے اور جگہ پر لگا لیا جائے، پیشانیوں پر لگا نامثل قشقہ کے حرام ہے، مزار شریف کا چڑھا ہوا ہو یا کعبہ کا ہی کیوں نہ ہو، کفار کے قومی شعار سے بھی بچنا چاہئے چہ جائیکہ مذہبی شعار سے۔ پھر بھی نہیں مانا اور برائی پر اُتر آیا، افیون کھانا یا گانجہ پینا ، داڑھی حد شرع سے کم رکھنا تو الگ کی باتیں ہیں، ان سے ہم کو بحث نہیں ہے، تو ایسے مجاور کی صحبت میں بیٹھنا یا اس کو بٹھانا، اس کی تعظیم و تکریم کرنی اور مزار پر برقرار رکھنا شرع کے اعتبار سے کیسا ہے؟ اور ایسے مجاور پر شریعت کا کیا حکم ہے؟ اگر بیوی رکھتا ہو تو ؟ (۵) زید کا قول ہے کہ بریلی میں اعلیٰ حضرت کے عرس پر مزار کے چڑھے ہوئے صندل کا قشقہ تلک لگایا جاتا ہے اور کوئی مولوی منع نہیں کرتا ہے اور کونسی کتاب میں اس کو حرام لکھا ہے؟ تو یہ زید کا قول کیسا ہے؟ (1) کیا ایسا بھی کوئی طریقہ یا مسئلہ ہے کہ ایک عمل مزار سے بغیر نسبت کے حرام ہو اور مزار سے نسبت ہونے سے حلال ہو جائے؟ فقط سائل: رضوی فقیر ناچیز محمد مبین پہاسوی خلیفہ حضور مفتی اعظم ہند مدظلہ العالی وارد حال: مانڈل، گجرات