کیا فرماتے ہیں علمائے دین ومفتیان شرع متین اس مسئلہ میں کہ: میری دختر کی شادی زید سے ہوئی جس کو عرصہ پانچ سال کا ہوا چاہتا ہے۔ ابتدائی سال میں زید اپنی بیوی و گھر بار کو چھوڑ کر دوبارہ بھاگ گیا۔ زید کے والد و عزیز و اقربا اس کو تلاش کر کے لائے۔ زید اتنے دن ہندؤں کی محبت و صحبت میں رہا۔ جس سے مذہب باطلہ کی طرف راغب ہونا نظر آیا۔ ایسی صورت میں احباب کی کافی کوشش رہی کہ وہ مذہب حق چھوڑ کر باطل کی طرف نہ جائے لیکن ایک دن موقع پا کر تیسری بار وہ پھر بھاگ گیا۔ والد و عزیز واقرباء نے بہت تلاش کیا تو وہ ہندؤں میں ملا۔ لیکن اس بار اس کی شکل میں تبدیلی نظر آئی۔ کہ سر پر چوٹی ہے، ہندوؤں کا لباس پہنے ہے، گھر لایا گیا، چوٹی کاٹی گئی، مسلمان کا لباس پہنایا گیا۔ اور ہر طرح سمجھایا گیا لیکن زید اپنی سمجھ کا اکیلا انظر آیا۔ چوتھی بار پھر بھاگا اس بار جو گیا ہے تو لا پتہ ہو چلا ہے اب کسی جگہ پر تلاش کرے پر بھی نہیں ملا۔ جو کہ عرصہ لگ بھنگ چار سال کا ہو گیا ہے ۔ اب نہ اس کی کوئی خبر ملی کہ وہ کہاں ہے، اور نہ کوئی خط و کتابت ۔ اور نہ یہ معلوم ہے کہ وہ ہندو ہی ہے یا مسلمان؟ لہذا سر کار عالی جاہ سے التماس ہے کہ شرع وسنت کی روشنی میں مفصل جواب مرحمت فرمایا جائے ۔ آیا کہ کیا کیا جائے؟ بیٹی جوان ہے اور میں رانڈ بیوہ ہوں ۔ مہربانی ہوگی ۔ بیٹی بھی غریب کی عزت ہے، کہیں قدم نہ بہک جائے ۔ فقط والسلام زوجہ عبدالمجید خاں (مرحوم) ساکن بیسلپور ضلع پیلی بھیت