سوکھا سے ملا۔سوکھانے کہا کہ اگر تم ہمارے کہنے کے مطابق ہمارا مطالبہ پورا کرو تو میں تمہارے نقدی و زیورات کا پتہ لگا دوں گا۔ مطالبہ کی فہرست : ایک سوئر اور کچھ روپیہ اور اس کے لوازمات۔ زید نے پورا کیا۔ جب ہم مسلمانان اہل سنت کو اس بات کی خبر ہوئی تو ہم مسلمانان اہل سنت نے زید کے ساتھ کھانا پینا، اٹھنا بیٹھنا، یہاں تک کہ میل ملاپ سب کچھ ترک کر دیا کچھ مدت گزرنے کے بعد زید کو اس بات کا احساس ہوا۔ اور اس نے علمائے کرام کی طرف رجوع کیا اور کہا کہ علمائے کرام جیسا حکم دیں گے ویسا میں کرنے کے لئے تیار ہوں۔ اب اس کے بارے میں شرع کیا حکم دیتی ہے؟ مع حوالہ جواب عنایت فرمائیں۔ (۲) بکر بغرض کمانے سعودی عرب گیا چند دنوں کے بعد گھر واپس ہوا۔ یہاں آنے کے بعد اس نے اپنی خوشی سے مسجد کے اندر ایک مصلی دیا جب کہ ہندؤوں کی خوشنودی کے لئے اس نے مندر میں مبلغ ستر رو پیه بغرض تعمیر مندر دیا اب ایسے آدمی کے بارے میں شرع کیا حکم دیتی ہے؟ مسلمانان اہل سنت اس کے ساتھ کس قسم کا برتاؤ کریں ؟ جواب مع حوالہ عنایت فرمائیں۔