قاری کے پیچھے غیر قاری کی نماز کا حکم ! جو شخص بقدر ما یجوز بہ الصلواة قرآت کی قدرت نہیں رکھتا اس کی اپنی نماز بھی فاسد ہے ! جامع شرائط امام مقر ر دوسرے سے اولیٰ ہے ! عالم کو مقدم کرنا انسب ہے! (1) الدر المختار، ج ۲، ص ۳۳۸، کتاب الصلوۃ، باب الامامة، دار الكتب العلمية، بيروت (1) وہ شخص جو قرآت کی اتنی مقدار پر جو صحت نماز کے لئے ضروری ہے ، قدرت نہیں رکھتا، اس کی نماز فاسد ہے اور اس کے پیچھے کسی کی نماز نہ ہوگی۔ واللہ تعالی اعلم (۲) امام معین اگر جامع شرائط امامت ہے تو وہ دوسرے سے اولیٰ ہے اگر چہ دوسرا کیسا ہی عالم ہو۔ ،، در مختار میں ہے: ”امام المسجد الراتب اولى بالامامة من غيره مطلقا (۱) ہاں امام کو چاہئے کہ عالم کو مقدم کرے۔ واللہ تعالیٰ اعلم (۳) اگر وہ لوگ ایسے شخص کے پیچھے نماز پڑھنے سے پر ہیز کرتے ہیں جو قرآت به قدر ما یجوز به الصلاة پر قادر نہیں تو درست کرتے ہیں اور اگر ہر شخص سے ( خواہ وہ صحیح خواں ہی کیوں نہ ہو) پر ہیز کرتے ہیں تو بے شک گناہ گار ہیں اور ان پر جماعت اولیٰ کے ترک کا گناہ ہے۔اور وہ جو بعض لوگوں سے سنا ہے درست ہے، بے شک جو ضاد کا مخرج ادانہ کرے، اس کی نماز فاسد۔ واللہ تعالیٰ اعلم فقیر محمد اختر رضا خاں از هری قادری غفرله (1) الدر المختار، ج ۲، ص ۲۹۷، کتاب الصلوۃ، باب الامامة، دار الكتب العلمية، بيروت