بخدمت گرامی حضرت مفتی صاحب قبلہا السلام علیکم کیا فرماتے ہیں علمائے دین مسئلہ ذیل میں کہ ہمارے قصبہ ھمنور ضلع اودے پور میں ایک مسجد ہے۔ برسہا برس سے نماز پنجگانہ و جمعہ وغیرہ ہوتا آرہا ہے۔ ابھی موجودہ امام فاسق صرف نماز پڑھانے کے لئے عارضی طور پر داڑھی رکھالی ہے اور حد شرع سے کم ہے۔ شراب پینا گانجا پینا اور پیسہ لے کر جھوٹی گواہی دینا عام بات ہے۔ نیز ان میں کوئی علمی قابلیت نہیں ہے۔ کیا ایسے آدمی کو امام بنانا درست ہے۔ کیا اس کے پیچھے نماز ہوسکتی ہے۔ جولوگ اس امام کو اپنی ضد کی وجہ سے امام رکھیں ان لوگوں کے لئے کیا حکم ہے؟ پہلی فرصت میں جواب مرحمت فرمائیں اور اس امام نے نس بندی بھی کرا رکھی ہے۔ کیا اس کی اقتد ادرست ہے؟ فقط