آزر حضرت ابراہیم علیہ السلام کے والد نہ تھے ، ان کے والد کا نام تارح تھا اور آزر آپ کے چچا کا نام ہے جو کافر تھا۔ یہی مسلک بکثرت نسابین (یعنی وہ لوگ جو شجرہ نسب بیان کرتے ہیں ) کا ہے اور سید نا عبد اللہ بن عباس رضی اللہ تعالیٰ عنہما اور سلف کی ایک جماعت کا بھی یہی قول ہے۔ ... باعتبار لغت یوں ہے کہ لفظ اب کا اطلاق چا پر شائع و ذائع ہے اور اس کی نظیر قرآن کریم میں موجود ہے کہ اسماعیل علیہ السلام کو اب (باپ ) فرمایا حالانکہ وہ چچا ہیں۔ امام جلال الدین سیوطی نے ایک اثر سے ثابت فرمایا کہ وہ ابراہیم علیہ السلام کا چچا ہی تھا جس کے لئے حضرت ابراہیم علیہ السلام نے دعائے مغفرت فرمائی تھی پھر جب آپ کو اس کا حال روشن ہوا تو آپ اس سے بیزار ہو گئے۔ واللہ تعالیٰ اعلم۔