الجواب:(1) نمکین کا ایسا معنی جو بھونڈا ہو کس لغت میں ہے؟ حاشانہ کسی لغت میں یہ معنی ملے نہ اس معنی میں لفظ نمکین مستعمل نہ یہ معنی اس کے محتل عرف شائع ہے کہ اسکو خوبی شمار کرتے ہیں اور عام طور سے کہتے ہیں کہ فلاں کے چہرہ میں نمک ہے اور حدیث میں خود حضور علیہ السلام سے وارد کہ اپنا وصف بیان فرمایا:(1) انا املح‘ (1) میں ملاحت والا ہوں۔ اور ملاحت و مکینی حسن ایک ہی بات ہے۔ واللہ تعالیٰ اعلم مدارج النبوۃ ج ۱، ص ۴، باب اول در بیان حسن خلقت و جمال صورت وے صلی اللہ تعالی علیہ وسلم مطبع رضویہ پبلشنگ کمپنی لا ہور (۲) فی الواقع حضور سرور عالم صلی اللہ تعالیٰ علیہ وآلہ وصحبہ وسلم کی نظیر محال ہے کہ اللہ تعالیٰ نے حضور علیہ الصلاۃ والسلام کو خاتم النبین نبی آخر الزماں فرمایا اور امت محمدیہ کا اجماع ہے کہ حضور علیہ السلام کا یہ وصف کسی تاویل و تخصیص کا ہرگز صالح نہیں، دیکھو شفاء قاضی عیاض۔ اور یہ بدیہی ہے کہ دو آخر نہیں ہو سکتے تو ثابت کہ آخر الانبیاء کا کوئی مماثل نہ ہو سکے۔ والہذا حضور علیہ السلام کے بعد نیا نبی نہیں ہوسکتا کہ یہ ختم نبوت کے منافی ہے لہذا حضور علیہ السلام کو آخر الانبیاء جاننامانامدار ایمان ہے اور اس کا خلاف منافی ایمان ہے۔ اشباہ میں ہے: اذا لم يعرف ان محمدا صلی الله علیه و سلم آخر الانبياء فليس بمسلم (1) اور اس عقیدہ میں تو ہین الوہیت نہیں بلکہ عہد کذب سے خدا کی تنزیہ وتقدیس ہے اور امکان نظیر کا قول تکذیب کلام الہی ہے اور حضرت یحییٰ منیری علیہ الرحمہ کا وہ قول اس عقیدہ کے مزاحم نہیں ہوسکتا۔ واللہ تعالیٰ اعلم اور اس آیت کریمہ سے مخالف کا وہ مفروض مستفاد نہیں ہوتا یہ اس کی دریدہ دہنی ہے جو عصمت نبی علیہ السلام کے بالکل خلاف ہے اور اللہ تعالیٰ کے جلال کو غیظ سے تعبیر کرنا حرام ہے۔ سائل پر اس سے تو بہ لا زم ہے ۔ اللہ تعالیٰ اعلم فقیر محمد اختر رضا خاں از هری قادری غفرله شب ۲۳ صفرالمظفر ۱۴۰۲ھ صبح الجواب واللہ تعالیٰ اعلم قاضی محمد عبد الرحیم بستوی غفرلہ القوی