(1) ہمارے گاؤں میں ایک پختہ مسجد ہے اور اس کے نام کچھ زمین وقف ہے، اور اس مسجد کے امام ایک مولا نا جوسہارنپور سے فارغ ہیں، امامت کرتے ہیں اور وقف کی زمین اپنے قبضہ میں کئے ہوئے ہیں اس کی آمدنی سے نہ مسجد کی مرمت کراتے ہیں نہ کسی کو حساب ہی سناتے ہیں اس بنا پر کچھ لوگوں نے اس کے پیچھے نماز پڑھنا ترک کر دیا ہے۔ ایسی حالت میں امام موصوف کے پیچھے نماز درست ہوگی یا نہیں؟ (۲) یہاں جو مسجد اس وقت قائم کی گئی تھی وہ کسی ہندو کی زمین تھی اور مسجد بننے کے تقریباً ۳۵ سال کا عرصہ ہو گیا، ہنوز وہ ہندو ہی اس کا رینٹ دیتا ہے امام صاحب سے وہ برابر تقاضا کرتا رہتا ہے کہ آپ لوگ مسجد والی زمین اپنے نام کر لیں۔ نہ امام صاحب اپنا نام خارج کرتے ہیں نہ رینٹ ہی ادا کرتے ہیں۔ لہذا بعض لوگ ایسے امام کے پیچھے نماز پڑھنا غلط قرار دیتے ہیں۔ شریعت مطہرہ کا کیا حکم ہے؟ (۳) جو زمین مسجد کے نام وقف ہے مسجد سے الگ وقف شدہ زمین میں ہم گاؤں والے عیدین کی نماز ادا کرتے تھے لیکن امام موصوف نے اپنی موروثی جائیداد سمجھ کر اپنا قبرستان خاص کر لیا ہے اور عیدین کی نماز احاطہ مسجد میں ادا کرائی جاتی ہے اور امام صاحب احاطہ مسجد میں عیدین کی نماز پڑھنا جائز قرار دیتے ہیں۔ ایسی حالت میں وہاں عیدین کی نماز ادا کرنا کیسا ہے؟ اور وقف کی زمین قبرستان بنانا کیسا ہے؟ (۴) ہمارے امام صاحب پندرہویں شعبان نہیں مناتے ہیں اور ہم مقتدی اس کے قائل ہیں لہذا ہم مقتدی کا اس امام کے پیچھے نماز پڑھنا کیسا ہے؟ (۵) امام صاحب نے اپنے کو مسجد کا متولی بنا کر وقف کی پوری زمین پر قبضہ جمالیا ہے اور بانی مسجد کے نام سال میں ایک بار ثواب رسائی بھی کرا لیتے ہیں اور امام موصوف اپنے گاؤں سے باہر معلمی کرتے ہیں اور اس پر زور دیتے ہیں کہ ثواب رسائی و فاتحہ و میلاد میں قیام بالکل ناجائز ہے اور یہاں اس لئے ثواب رسائی کرتے ہیں کہ وقف کی زمین پر اسی حیلہ سے تصرف رکھا جائے۔ لہذا ایسے تکیہ باز کے پیچھے نماز کیسی ہے؟ المستفتی محمد منشی لطیف ، ساکن مولا نا اور پوسٹ بارسوئی گھاٹ ضلع کئی بار ( بہار )