ظلم کرنا گناہ عظیم ہے! بلا وجہ شرعی کسی کو ستانا گناہ کبیرہ، ایسا شخص لائق امامت نہیں جب تک تو بہ نہ کرے! جھگڑے میں بیچ بچاؤ کی نیت سے آنا گناہ نہیں ! الجواب: اگر شرعی طور پر یہ ثابت نہیں کہ امام مذکور بلا وجہ شرعی اپنے داماد کو زدوکوب کرنے والوں میں شریک تھے یا انہوں نے حتی المقدور مارنے والوں کو نہ روکا تو ان پر بد گمانی نا جائز ہے۔ حدیث میں ہے: اياكم والظن فان الظن اكذب - الحدیث (۱) اگر فی الواقع وہ شریک تھے یا راضی تھے تو سخت گنہ گار مستوجب عذاب نار ہوئے ، حق اللہ وحق العبد میں گرفتار ہوئے ، ان پر تو بہ لازم ہے۔ اگر شرعاً ثابت ہو تو جب تک تو یہ نہ کریں ، انہیں امام بنانا جائز نہیں۔ اگر امام صاحب کی شرکت مار پیٹ میں ثابت بھی ہو جائے تو دیکھنا یہ ہے کہ ظلم وزیادتی کس کی طرف سے تھی ؟ اگر داماد ہی کی طرف سے تھی اور اپنے یا لڑکے کے بچانے کی خاطر امام صاحب شریک ہوئے تو ان پر کوئی الزام نہیں۔ اور اگر زیادتی لڑکے کی طرف سے تھی اور امام صاحب کی شرکت محض بیچ بچاؤ کے لئے تھی تب بھی ان پر الزام نہ ہوگا۔ اگر ظلم وزیادتی امام صاحب کی طرف سے ثابت ہو جائے تو ضرور وہ لائق امامت نہیں، ان کے پیچھے نماز کراہت سے خالی نہیں۔ واللہ تعالیٰ اعلم فقیر محمد اختر رضا خاں از هری قادری غفرله محرم الحرام ۱۳۹۲ھ/ ۲۲ فروری ۱۹۷۲ء صح الجواب۔ واللہ تعالیٰ اعلم قاضی محمد عبد الرحیم بستوی غفرلہ القوی