الجواب: (1) امام کو اوقات جماعت کا لحاظ کرنا ضروری ہے اور بے وجہ شرعی وقت کی پابندی نہ کرنا مقتدیوں کی آواز کا باعث ہے اور ان کے انتشار و تفرق کا سبب ہے اور اس کی غیبت اور بدگوئی کا سبب ہے۔ اس پر لازم ہے کہ وہ اس سے باز آئے اور لوگوں کو بدگوئی میں مبتلا نہ کرے ورنہ ان کی بدگوئی کا گناہ اسی پر ہوگا۔ اور یہ جو اُن سے کہا کہ ایسے ہی میں بھی ان لوگوں کو اچھی طرح جانتا ہوں“ بہت سخت ہے۔ کہ اپنے جانے کو اللہ کے جاننے سے تشبیہ دی۔ اس پر اس جملہ سے بھی تو بہ لازم ہے اور تجدید ایمان بھی کرے اور بیوی رکھتا ہو تو تجدید نکاح بھی کرے۔ واللہ تعالیٰ اعلم (۲) امام کو دوسرے امام کے متعلق وہ جملہ نہ کہنا چاہئے تھا اور اس کی بدگوئی سے بچنا لا زم ، وہ لوگوں کو اپنی بدگوئی سے روکتا ہے اور دوسروں کی بدگوئی میں خود مبتلا ہے۔ واللہ تعالیٰ اعلم (۳) یہ تو اس کے لئے بھی محتمل ہے کہ ایمان سے پھر جائے اس میں میمن لوگوں کی ہی کیا تخصیص ہے؟ اور اس سے کیا حاصل سوائے اس کے کہ لوگ اس سے نفرت کریں۔ یا ضد میں آکر معاذ اللہ دین سے نفرت پر اُتر آئیں تو اس کا وبال اس کے سر بھی آئے۔ سرکا را بد قرار علیہ الصلوۃ والسلام کا ارشاد ہے: بشروا ولا تنفروا)) خوشخبری دو اور نفرت نہ دلاؤ۔ امام مذکور پر لازم ہے کہ اس حدیث پر عمل کرے اور نفرت دلانے سے تو بہ کرے ۔ اللہ تعالیٰ اعلم (۴) غیبت اشد حرام کبیرہ وعظیم گناہ ہے۔ اور عالم کی غیبت بہت سخت تر ہے مرتکب پر تو بہ لازم ہے۔ واللہ تعالیٰ اعلم (۵) اس پر لازم ہے کہ ثبوت دے کہ رسول اللہ صلی اللہ علیہ وسلم وقت کی پابندی نہ کرتے تھے اور اگر نہ ثبوت دے سکے تو اس کا مفتری و کذاب ہونا ، رسول اللہ صلی اللہ تعالیٰ علیہ وسلم پر بہتان باندھنا ظاہر و آشکار ہے، اپنے تساہل کو رسول اللہ صلی اللہ تعالیٰ علیہ وسلم پر جڑ دینا سخت جرات ہے۔ اس پر اس سے تو بہ لازم ہے۔ واللہ تعالیٰ اعلم (1) جھوٹ بولنا حرام ہے اور علانیہ اس کا مرتکب فاسق اور اس کی اقتداء مکروہ تحریمی ہے۔ یعنی اس کے پیچھے نماز واجب الاعادہ ہے۔ واللہ تعالیٰ اعلم فقیر محمد اختر رضا خاں از هری قادری غفرله