ناف کے نیچے ہاتھ نہ باندھنے کی ضد بے جا تعسف ہے ! حکم شرع سن کر ہٹ چھوڑنا لازم ! وقت قرآت سر، گردن یا بدن بلا نا درست نہیں ! مسافر چار رکعتی فرض کو چار رکعت پڑھے تو گنہگار ہوگا! مسافر اگر چار رکعت فرض پڑھائے تو مقتدیوں کی نماز نہ ہوگی ! مشغل کے پیچھے مفترض مقتدی کی نماز نہیں ہوگی ! کیا حکم ہے شریعت مقدسہ کا مسائل مندرجہ میں کہ: (1) زید اپنے آپ کو شفی اور مسلک اہل سنت و جماعت کا عالم کہتا ہے اور ایک مسجد کا امام ہے مگر وہ نماز میں ہاتھ ناف کے نیچے نہ باندھ کر یا تو پیٹ پر باندھتا ہے یا ناف پر۔ جب زید سے کہا گیا کہ آپ اس طرح ہاتھ کیوں باندھتے ہیں؟ تو انہوں نے کہا: جس کو نماز پڑھنی ہو وہ پڑھے، میں اسی طرح ہاتھ باندھوں گا، کیا پیٹ یا ناف پر ہاتھ باندھنے سے نماز نہیں ہوتی ؟ یہ امام مذکور (زید) کے قول ہیں۔ اب دریافت طلب امر یہ ہے کہ زید کا کہنا کہاں تک درست ہے؟ اور اگر اُن کا قول غلط ہے تو شریعت مطہرہ کا اُن پر کیا حکم ہے؟ بینوا توجروا (۲) زید جب جہری نماز میں امامت کرتا ہے تو وقت قرآت سر، گردن اور پورا بدن حرکت کرتا رہتا ہے۔ کیا امام کا یہ فعل درست ہے؟ (۳) زید امامت کی غرض سے آیا عشاء کی نماز میں اُس نے کہا کہ میں ابھی مسافر ہوں، کل چلا جاؤں گا عمرو تم نماز پڑھا دینا مگر عشاء کی نماز خود زید نے ۴ رکعت مکمل پڑھائی۔ پھر پانچ دن تک پڑھانے کے بعد واپس ہو گیا۔ پھر ہفتہ بھر بعد آیا۔ نیز زید نے یہ بھی کہا تھا کہ میں یہاں کا جائزہ لینے آیا