یکساں ہوں گی ، خصوصیت کے ساتھ سنت خواہ مؤکدہ ہوں یا غیر مؤکدہ ، نیت یوں کرتا ہے: ” نیت کرتا ہوں دو رکعت نماز تراویح سنت مؤکدہ واسطے اللہ کے پیچھے اس امام کے ، منہ میرا طرف کعبہ شریف کے، اللہ اکبر۔ اس بات پر بکر کہتا ہے کہ عبادتیں تو واقعی اللہ تعالیٰ ہی کی ہیں اور سب کی نیت میں اللہ ہی کا نام ہوگا لیکن سنتوں میں فرق ہے اس میں رسول کا بھی نام لیا جائے گا اور یوں کہتا ہے کہ نماز سنت رسول اللہ کے لئے پڑھی جاتی ہے اور اس کی نیت اس طرح کرتا ہے: ” نیت کرتا ہوں میں دورکعت نماز تراویح کی سنت رسول اللہ کی، پیچھے اس امام کے، منہ میرا کعبہ شریف کی طرف ، اللہ اکبر۔ ان دونوں کی نیتوں میں کس کی نیت ٹھیک ہے؟ اور کس کی نیت غلط ہے؟ نیز قرآن و حدیث اور اقوال علماء اور ترکیب صلحاء کی روشنی میں دلیل سے واضح کیا جائے کہ سنتوں کی نیتیں کس طرح کی جائیں گی؟ اور سنت واقعی رسول کے لئے پڑھی جاتی ہے یا نہیں؟ اگر ہے تو کس طرح اور کیوں؟ مفصل دلائل و براہین کے ساتھ تحریر کیا جائے۔ (۲) اگر کسی شخص نے امام کو لقمہ دیا حالانکہ امام صحیح طریقہ سے نماز پڑھا رہا ہے، لقمہ دینے والے نے غلط لقمہ دیا ہے تو لقمہ دینے والا نماز گزشتہ کہ جس میں لقمہ دیا ہے، دہرائے گا یا نہیں ؟ مفصل فقہ کی روشنی میں جواب مرحمت فرمائیں۔ (۳) غیر مسلموں کو سلام کس طرح کیا جائے اور ان کو جواب ان کے سلام کا کس طرح دیا جائے؟ (۴) عیدین کی نماز بالکل کچھ آدمیوں کی چھوٹ جانے پر امام اول دوبارہ ان کی امامت کر سکتا ہے یا نہیں؟ ان مسائل کو مدلل و مفصل تحریر کیا جائے ؟ بینوا توجروا المستفتی علی احمد، چھیونی دیور یا معلم مدرسه