الجواب: (1) نمبر نے اگر فی الواقع صلاۃ کو بدعت حسنہ مانا تو س کا یہ کہنا کہ ہم نہ مانیں سئے ناقض اور اس کی حماقت وضد کی کھلی دلیل ہے اور اس کا ہم سے ثبوت مانگنا بے جا ہے۔ اس پر لازم ہے کہ قرآن و حدیث سے ثابت کرے کہ اذان کے بعد درود وسلام پڑھنا منع ہے اور نہیں کر سکتا تو اس کا اسے ممنوع جاننا خود ممنوع و گناہ ہے۔ قرآن صاف فرماتا ہے: وَلَا تَقُولُوا لِمَا تَصِفُ الْسِنَتُكُمُ الْكَذِبَ هَذَا حَلَلٌ وَهَذَا حَرَامُ لِتَفْتَرُوا عَلَى اللهِ الْكَذِبَ (1) یعنی اسے جس کو تمہاری زبانیں جھوٹ بیان کرتی ہیں، نہ کہو کہ یہ حلال اور یہ حرام کہ اللہ پر جھوٹ باندھو۔ اور جواز کے لئے ہمیں یہی کافی کہ ممانعت اصلاً مفقود۔ پھر قرآن کا حکم مطلق موجود : صَلُّوا عَلَيْهِ وَسَلِّمُوا تَسْلِيمًا (۲) تو جس وقت بھی صلاۃ وسلام پڑھا جائے علم الہی کی تعمیل ہوگی۔ اب جو کسی وقت خاص میں بے دلیل منع کرے، وہ مطلق حکم خدا کو مقید کرتا اور تحریف کا مرتکب ہوتا ہے۔ واللہ تعالیٰ اعلم (۲) جائز و مستحسن ہے۔ درمختار میں ہے: التسليم بعد الاذان حدث في ربيع الآخر سنة سبع مأة و احدى وثمانين في عشاء ليلة الاثنين، ثم يوم الجمعة، ثم بعد عشر سنين حدث في الكل الا المغرب ثم فيها مرتين، وهو بدعة حسنة حدیث میں ہے: ”ما رآه المسلمون حسنا فهو عند الله حسن جسے مسلمان اچھا جانیں وہ خدا کے نزدیک اچھا ہے۔ واللہ تعالیٰ اعلم (۳) مکروه وممنوع و خلاف سنت نبویہ علی صاحبہا الصلاۃ والتحیہ ہے۔ اذان خارج مسجد حدود مسجد میں مسنون ہے اور مسجد کے اند رکوئی اذان دینا جائز نہیں ۔ ہندیہ میں ہے: و ينبغى ان يؤذن على المئذنة او خارج المسجد طحطاوی علی المراقی میں قہستانی سے ہے: ویکره ان يؤذن فى المسجد كما فى القهستاني عن النظم تفصیل کے لئے رسالہ مبارکہ او فى اللمعة فی اذان الجمعة “ و احکام شریعت ملاحظہ ہو۔ جو لوگ اس خلاف سنت پر مصر ہیں سخت گناہگار ہیں۔ واللہ تعالیٰ اعلم فقیر محمد اختر رضا خاں از هری قادری غفرله ۳۰ رذی الحجہ ۱۴۰۴ھ