کیا فرماتے ہیں علمائے دین و مفتیان شرع متین مندرجہ ذیل مسائل میں کہ: ہمارے شہر کے ایک مسجد میں ایک مولانا آئے تھے ان کے کہنے سے وہاں کے مقتدی اقامت کے وقت سب بیٹھ جاتے ہیں جب حی علی الفلاح کہا جاتا ہے کھڑے ہو جاتے ہیں اور دوسری بات یہ ہے کہ موذن ہر اذان واقامت سے پہلے درود شریف پڑھتا ہے مولوی صاحب سے دریافت کرنے پر وہ کہہ رہے ہیں کہ یہ مسائل فقہ کی کتابوں میں ہیں مگر یہاں زمانہ قدیم سے انکا نہ ہونے سے آپ کو نیا لگتا ہے۔ مقتدی ان مسائل کو ماننے سے انکار کرتے ہیں اور کہتے ہیں کہ یہاں پر پرانے زمانے سے ایسا نہیں تھا لہذا یہ نیا کام ہے یہ فتنہ ہے اسکی ضرورت نہیں ہے یہاں بڑے بڑے علماء کرام آئے تھے انہوں نے نہیں کہا مگر یہ مولانا ایسا کہہ رہے ہیں اسلئے یہ نہ کر کے پہلے کی طرح ہی رہنا چاہئے یہ اقامت واذان سے پہلے درود شریف کی ضرورت نہیں اور حی علی الفلاح پر کھڑے ہونے کی بھی ضرورت نہیں۔ لہذا دریافت طلب امر یہ ہے کہ کیا مولوی صاحب حق پر ہیں یعنی مفتی صاحب جو منع کرتے ہیں ؟ کیا ان مسائل پر عمل کرنے سے ثواب ہوگا یا نہیں ؟ ان مسائل کی تفصیلی وضاحت فرما کر رہنمائی فرمائیں یہ مسائل جن کتابوں میں ہیں ان کے نام بھی تحریر فرما ئیں معین نوازش ہوگی۔