کیا فرماتے ہیں علمائے دین ومفتیان شرع متین مسائل مندرجہ ذیل میں کہ کتب حدیث وفقہ میں سر کے مسح کرنے کا مسنون طریقہ یوں بیان کیا گیا ہے کہ دونوں ہاتھ کے انگوٹھے کلمہ کی انگلیاں چھوڑ کر باقی تین تین انگلیوں کے سرے کو ملا کر پیشانی کے بال کے آگے کی جگہ پر رکھے اور سر کے اوپری حصے پر گری تک انگلیوں کے پیٹ سے مسح کرتا ہوا لے جائے اور ہتھیلیاں سر سے جدار ہیں پھر ہتھیلیوں سے سرکی دونوں کروٹوں کا مسح کرتے ہوئے پیشانی تک واپس لائے ( الی آخرہ) یہی طریقہ مشہور ومعروف علماء کرام کا معمول ہے۔ لیکن حضور مفتی اعظم ہند علیہ الرحمۃ والرضوان نے اپنے فتویٰ مبارکہ میں تحریر فرمایا ہے کہ تین تین انگلیاں اور ہتھیلیاں مقدم راس سے اس طرح جانب گردن لے جائے کہ سر کے دونوں جانب بھی پوری پوری ہتھیلیوں کے نیچے آتی جائیں تو اس صورت میں یونہی پورے سر کا مسح ہو گیا پیچھے سے آگے لانا بیکار ہے اور اولیٰ یہی ہے۔ (فتاویٰ مصطفویہ جلد دوم ص ۶۰) حضور مفتی اعظم ہند قدس سرہ کا معمول شریف اسی طرح مسح کرنے کا تھا۔ اس فقیر کا بھی مشاہدہ ہے اور مکرمی جناب عبدالنعیم عزیزی صاحب مدظلہ العالی نے اپنی تالیف مسمی بہ حضور مفتی اعظم قدس سرہ ص ۴۱ میں اس معمول شریف کا ذکر بھی کیا ہے۔ فتویٰ مبارکہ میں حدیث وفقہ کی عبارات بحوالہ درج نہیں ہے اور سر کے مسح کرنے کا یہی طریقہ اولیٰ بھی فرمایا ہے لہذا اس مسئلہ کو دلائل سے مزین فرما ئیں تا کہ یہ مسئلہ خوب اچھی طرح واضح ہو جائے۔ المستفتی: قاضی محمد عطاء الحق عثمانی گونڈوی، علا والدین پور ڈاکخانہ سعد اللہ نگر گونڈہ