پھر دوسرے دن ہندہ کے پاس آکر اور خوشامد کر کے اور پھر یہ کہہ کر کہ میں نے دل سے طلاق نہیں دی۔ ہندہ کو اپنے گھر لے گیا۔ چونکہ ہندہ کے بچوں کو بھی زید نے روک لیا تھا اور ہندہ کے والدین کا بھی انتقال ہو چکا ہے وہ بے کس اور بے سہارا ہونے کی وجہ سے زید کے ساتھ پھر چلی گئی۔ جب لوگوں نے زید سے کہا کہ تو نے طلاق دے کر پھر ہندہ کو اپنے گھر میں بیوی بنا کر رکھ لیا۔ اس پر زید نے لوگوں سے کہنا شروع کر دیا کہ میں نے تو اپنے بچوں کی پرورش کے لئے ہندہ کو رنڈی سمجھ کر اپنے گھر میں رکھ لیا ہے۔ ان باتوں کوسن کر ہندہ کی غیرت نے جب ہندہ کولکارا تو ہندہ بجز پہنے ہوئے کپڑوں کے جو وہ اس وقت پہنے تھی اور اس کے علاوہ بغیر کوئی سامان جہیز وزیور کپڑا لئے زید کے مکان سے چلی گئی اور نہایت کسم پرسی کے عالم میں اپنی عدت کے دن پورے کر کے اور بمشکل تمام اپنی زندگی گزار کر جب ہندہ نے عقد ثانی کر لیا تو کچھ لوگ ہندہ کے شوہر ثانی سے کسی رنجش کی بنا پر انتقام لینے کی غرض سے ہندہ کے پہلے شوہر زید کو اپنے دام فریب میں لے کر ہندہ اور اُس کے شوہر ثانی کو یہ کہ کر نقصان پہنچانا چاہتے ہیں کہ ہندہ کے پاس کوئی شرعی اور قانونی ثبوت نہیں ہے ایسی صورت میں ہندہ کو جو زید نے طلاق دی، وہ طلاق شرعی تھی یا نہیں؟ اور ہندہ نے جو عقد ثانی مندرجہ بالا حالات کے پیش نظر کیا وہ جائز ہے یا نہیں؟ جوابات سے مطلع فرمانے کی زحمت فرمائیں؟ المستفتی : عزیز احمد خاں ولد نظر خاں، ساکن محله بازارصندل خاں، بریلی شریف (یوپی)