کیا فرماتے ہیں علمائے کرام مندرجہ ذیل مسئلہ میں کہ: زید کا گھر سے باہر کچھ دیگر اشخاص سے جھگڑا ہوا۔ اس کے فوراً بعد جب وہ گھر آیا تو اس کا اپنی بیوی سے اس بات پر جھگڑا ہو گیا کہ وہ اپنے میکے یعنی اپنے ماں باپ کے گھر نہ جائے۔ جبکہ اس کے پہلے اس کی بیوی کو اس نے اجازت دے دی تھی۔ تکرار اتنی بڑھی کہ زید نے کہ دیا کہ اگر تو میری بلا اجازت اپنے والدین کے گھر جائیگی تو میں طلاق دے دوں گا۔ زید کے منع کرنے پر بھی نہ مانی پر زید کی زبان سے طلاق کے لفظ نکل گئے۔ لیکن یہ زید کو بھی پتہ نہیں کہ طلاق کے الفاظ کتنی بار کہے۔ زید کی بیوی بھی غصے میں تھی۔ اس کو بھی دھیان نہیں کہ زید نے کیا کہا اور کتنی بار کہا۔ اور وہ اپنے دونوں بچوں کو لے کر اپنے والدین کے گھر چلی گئی ۔ اب دونوں کے دماغ معمول پر ہیں۔ دونوں کے رشتہ داروں نے زید سے اصلیت معلوم کی تو اس نے جواب دیا کہ اس وقت میں غصے میں تھا۔ میں نے طلاق کا لفظ استعمال ضرور کیا لیکن مجھے پتہ نہیں کہ کتنی بار کہا۔ آپ سے استدعا ہے کہ (اس بارے میں ) شریعت اسلام میں علمائے دین کیا فرماتے