کیا فرماتے ہیں علمائے دین ومفتیان شرع متین مسئلہ ہذامیں کہ: بکر سخت بیمار تھا، بکر کو کمزوری زیادہ تھی اس حالت میں بکر نے اپنی ہندہ سے کہا کہ جلد سے جلد میرے لئے کھانا تیار کر دو اس پر بکر کی ہندہ نے آکر کے یہ کہا بُرے لفظوں میں کہ تمہیں صرف کھانا ہی بنا کر کھلاتی رہوں یہ ہم سے نہیں ہوسکتا ہے۔ جس پر بکر نے اپنی ہندہ سے کہا کہ آج کی تاریخ سے تمہارے ہاتھ کا بنا ہوا کھانا کھاؤں تو تمہیں تین طلاق ہے۔ لہذا تقریباً ڈیڑھ سال ہونے کو جارہا ہے لیکن ابھی تک بکر نے اپنی ہندہ کا بنایا ہوا کھانا نہیں کھایا ہے اور بکر آج تک اپنی ہندہ سے علیحدہ ہے۔ اب بکر اور ہندہ کا خیال یہ ہے کہ جو شرع مطہرہ کا حکم ہو، اس کے مطابق کیا جائے۔ اب اس بارے میں جو شرع کا حکم ہو قرآن وحدیث سے جواب مرحمت فرمائیں۔ عین نوازش ہوگی !