الجواب: دونوں گواہ اگر عادل ( متقی پرہیز گار) ہیں اور وہ تین مرتبہ الفاظ طلاق بولنا بیان کرتے ہیں تو صورت مسئولہ میں تین طلاقوں کا حکم ہے۔ جبکہ دونوں گواہوں نے بالمشافہ یہ الفاظ سنے ہوں ۔ مگر سوال سے ظاہر کہ گواہ ثانی باہر سے سن رہا تھا۔ اگر ایسا ہے تو اس کی گواہی نہ سنی جائیگی۔ ہندیہ میں ہے: ”لو سمع من وراء الحجاب لا يسعه ان يشهد لاحتمال ان يكون غيره اذا النغمة تشبه النغمة ) (1) الفتاوى الهندية كتاب الشهادات الباب الثاني في بیان تحمل الشهادة ، ج ۳، ص ۳۸۹، دار الفکر بیروت در مختار میں ہے: لا يشهد على محجب بسماعه منه (1) لہذا جبکہ شوہر منکر ہو اور اس نے گواہان عدول کے سامنے اقرار بھی نہ کیا ہو تو تین طلاقوں کا حکم نہیں کیا جاسکتا۔ مگر جبکہ عورت تین طلاقوں کی سچی مدعیہ ہے تو اسے لازم ہے کہ مرد سے بھاگے، جیسے شیر سے، جیسے سانپ سے اور اسے ہرگز قابونہ دے۔ مفتی کا کام اظہار حکم شرع ہے اور حکم اللہ کا ہے ویس۔ جھوٹ بولنے سے حرام حلال نہ ہو جائیگا بلکہ دوہرا وبال ہوگا۔ اگر وہ دو طلاق کے اقرار میں سچا ہے تو دوطلاق رجعی کا حکم ہے، عدت کے اندر رجعت کا اختیار ہے جس کا مسنون طریقہ یہ ہے کہ دو نمازیوں کے سامنے کہہ دے کہ میں نے اس عورت سے رجعت کی ، اسے نکاح میں لیا۔ مگر یہ بھی تب ہے جبکہ پہلے ایک طلاق نہ دے چکا ہو ۔ اب بعد عدت بہ رضائے زن بہ مہر جدید نکاح کر سکتا ہے۔ واللہ تعالیٰ اعلم فقیر محمد اختر رضا خاں از هری قادری غفرله