زید اور زید کے سالے حامد حسین میں لڑائی ہوئی ۔ زید بولا میں گھر والے اور باہر والے کو قید کرا دوں گا اور پیشاب پھر نے چلا گیا۔ حامد حسین کی بیوی بولی کہ ہمارے گھر والے کو قید کرا دے تو جانوں۔ زید نے کہا میرے منہ مت لگو، میں شراب پیئے ہوا ہوں ایسے ہی میں گالی دوں گا۔ ہندہ زید کو چپ رہنے کے لئے بولی۔ زید ہندہ کو مارنا شروع کیا۔ اسی اثناء میں ہندہ کی ماں آگئی اور بولی کہ میری بچی کو مارڈالا ، نکل جا میرے گھر سے ، اگر اصل کی ہے۔ پھر زید نے چھٹی دی۔ گواہ نمبر (۱) بتو بیگم کا بیان ہے کہ پہلے دومرتبہ چھٹی دی، چھٹی دی کہا، اس کے بعد تین مرتبہ طلاق دی، کہتا ہوا گھر سے نکلا اور زور سے کہا: سنو محلے والو۔ گواہ نمبر (۲) اللہ بیگم : میں اپنے گھر میں تھی ، میں نے پڑوس میں سے سنا کہ ایک مرتبہ چھٹی دی، اس کے بعد تین مرتبہ طلاق کہتا ہوا ، نکل گیا۔ گواہ نمبر (۳) نذیر احمد صاحب کا بیان ہے کہ میں سڑک پر تھا جو زید کے دروازے پر ہے، اس کی آواز سن کر دروازے پر گیا اور زید سیکڑوں مرتبہ کہا ہوگا کہ چھٹی دی چھٹی دی ، چھٹی دی۔ گواہ نمبر (۴) انوری بیگم کا بیان ہے کہ پہلے دو مرتبہ کہا کہ چھٹی دی ، چھٹی دی۔ پھر گھر سے نکلا اور کہتا ہوا کہ طلاق دی ، طلاق دی ، طلاق دی ،سنو محلہ والو۔ گواہ نمبر (۵) سکیا بیگم کا بیان ہے کہ دومرتبہ چھٹی دی، چھٹی دی اور تین مرتبہ طلاق دی ، طلاق دی ، طلاق دی کہتا ہوا دروازے سے نکل گیا اس کے بعد پتہ نہیں، باہر کیا ہوا۔ لہذا ایسی صورت میں شریعت مطہرہ کا کیا حکم ہے؟ بیان فرمائیں کہ اب کیا کرنا ہوگا ؟ ہندہ زید کے نکاح میں کس طرح آئینگی ؟ مفصل بیان فرمائیں تا کہ ہم لوگ الجھن میں نہ پڑیں۔ فقط ! جن لوگوں کے سامنے گواہوں نے اپنا اپنا بیان دیا، ان کے دستخط با نشان موجود ہیں۔ (1) نذیر علی خاں صاحب (۲) منے خاں صاحب (۳) محمد شفیع خاں صاحب (۴) اصغر خاں صاحب (۵) چھوٹے صاحب (1) محمد رفیق الاسلام رضوی آپ کا خادم سکن خاں، محلہ گڑی نیوسیا تین پور ضلع پیلی بھیت (یوپی) / ارمجنوری ۱۹۷۸ء