کیا فرماتے ہیں علمائے دین مسئلہ ذیل میں کہ: زیدا اپنی بیوی زینب کو طلاق گواری میں دیکر فوراً چلا آیا۔ دائی منوادہ میں آکر غیر فاسق نمازیوں سے کہا کہ میں اپنی زینب بیوی کو طلاق دے آیا ہوں، آپ سے سنبھال ملے تو سنبھال لو۔ زید نے دو طلاقوں کا اقرار کیا ہے۔ طلاق کے موقع پر پڑوس میں ایک عورت ہے، قرآن سیکھی ہوئی نمازی ہے، وہ طلاق کے موقع پر موجود تھی۔ وہ عورت خداور سول کو حاضر و ناظر جان کر اور اپنے دین و ایمان سے کہتی ہے کہ تین طلاقیں دی ہیں، اور زید کے سالے کی بیوی صاحبہ اپنے دین و ایمان سے کہتی ہیں کہ زید نے تین طلاقیں دی ہیں۔ یہ تصدیق قاری عبد الحق صاحب نے کی ہے، طلاق کے موقع پر زید کا سالا بھی موجود تھا جو غیر فاسق ہے، شادی شدہ ہے لیکن داڑھی ابھی بھی نہیں ہے ، وہ تین طلاقوں کا اقرار کرتا ہے۔ قاری عبد الحق صاحب نے زید اور زید کی بیوی صاحبہ سے معلوم کیا کہ اگر دو طلاقیں ہوئی ہیں تو آپ اپنے ہاتھوں پر قرآن رکھ کر یہ کہہ دو کہ دو طلاقیں دی ہیں۔ اس کے آگے زید اور زید کی بیوی نے کوئی جواب نہیں دیا ہے۔ زید اپنی بیوی کو ۲۰ شعبان سے جبراً اب بھی اپنے پاس رکھے ہوئے ہے۔ اس سے پہلے آپ کی خدمت میں ایک سوال آیا تھا جو آپ کے رجسٹر میں درج ہوگا۔ سوال نمبر ۱۴ / ۶۸۱۷، کاتب مولانا قمر الدین، جواب محمد اعظم غفرلہ قادری، دارالافتاء، کتبه محمد انور مصطفوی، ٹانڈوی، بریلی شریف - ۱۰ / فروری ۱۹۷۹ء کو ان نمبروں کا فتویٰ آپ کے یہاں سے آیا ہے۔ یہ سوال مولانا قمر الدین نے ۴۸ /روپے رشوت لیکر لکھ کر بھیجا تھا، انہوں نے گواہوں کو صحیح نہیں لکھا تھا یہ انہوں نے غلط لکھا ہے۔ زید کے سالے کا دماغ ٹھیک ہے یہ تصدیق کم از کم پچاس آدمیوں نے کی ہے۔ قرآن و حدیث کی روشنی میں جواب عنایت فرمائیں! كاتب: عبدالحق، ارشاد احمد ، بابوعلی ، کلوشاه کن