کیا فرماتے ہیں علمائے دین ومفتیان شرع متین مسئلہ ذیل میں کہ: زید نے اپنی بیوی کے والد کے سامنے جبکہ زید کا خسر اپنی لڑکی کو بلانے آیا تو زید نے یہ جملہ استعمال کیا کہ تم اپنی لڑکی کو لے جاؤ اور جہاں چاہو اس کا نکاح کر دو، اس سے کوئی مطلب نہیں۔ زید کے خسر نے جواب دیا کہ تم اس طرح کے لفظ کیوں ادا کرتے ہو؟ لہذا زید نے فوراً ہندہ سے کہا کہ میرے گھر سے نکل جاؤ۔ میں تم کو کسی بھی حال میں نہیں رکھوں گا۔ میں نے تم کو طلاق دی ، طلاق دی، طلاق دی ہندہ اپنے والد کے ساتھ چلی گئی اور کسی اور کے گھر میں جا کر بیٹھ گئی۔ ساتھ میں دولڑ کے تھے پھر بکر دونوں لڑکوں کو لے کر زید کے گھر آیا اور کہا کہ میں بھائی ان دونوں لڑکوں کو لے کر آیا ہوں دونوں لڑکوں کو رکھ لو اور تم چاہو تو تمہاری عورت کو لائے دیتا ہوں۔ پھر بھی کئی آدمیوں کے سامنے میں زید نے یہی لفظ ادا کیئے کہ میں کئی دفعہ کہہ چکا ہوں کہ میں نہیں رکھوں گا۔ میں آج اسے طلاق دیتا ہوں، طلاق دیتا ہوں، طلاق دیتا ہوں۔ ہمیں اس سے کوئی مطلب نہیں۔ لہذا ہندہ کی طلاق ہوئی یا نہیں؟ زید پر کیا شرعی حکم ہے؟ جواب مرحمت فرمائیں گے عین نوازش ہوگی ۔ سائل : محمد رضاخاں، غوث منج، ڈاکخانہ تحصیل: فرید پور