اگر امام پانچویں رکعت کے لئے کھڑا ہو گیا تو کیا حکم ہے؟ مرتدین کی نماز جنازہ پڑھنا کیسا؟ کافر کے لئے دعائے مغفرت کفر ہے! کیا فرماتے ہیں علمائے دین اس مسئلہ کے بارے میں کہ: (1) زید کو امام بنایا گیا اور زید نے امامت بھی کی، چار رکعت والی نماز کی دورکعت کے بعد چوتھی رکعت پہ کھڑے ہو گئے ، حالانکہ زید کے ذہن میں تیسری رکعت کا اغلب گمان ہے، تشہد کے بعد سجدہ سہو بھی کر لیا، مقتدیوں نے بھی کر لیا، مقتدیوں میں سے کسی نے کہا پانچ رکعت ہوگئی، حالانکہ زید کو پورا پورا خیال ہے کہ چار رکعت ہوئی اور دوسرے مقتدی چار اور پانچ کا ذکر نہ کر کے کہنے لگے کہ سجدہ سہو تو کر لیا گیا، نماز ہوگئی ۔ اس پر زید کو اطمینان ہو گیا۔ اب غور طلب امر یہ ہے کہ ایسی صورت میں نماز ہوئی کہ نہیں ؟ اگر نہیں ہوئی تو اب کیا کرنا ہوگا ؟ بہت ہی آسان اور سہل جواب جلد از جلد عنایت فرمائیں۔ اس لئے کہ کچھ مخالف لوگ زید کے خلاف عوام میں بہت پرو پیگنڈہ کر رہے ہیں ۔ (۲) دوسرا سوال یہ ہے کہ ایک سنی امام کا بلی پٹھان سود خور وہابی دیو بندی غیر مقلد رافضی وغیرہ اس جماعت میں بھی بدعقیدے والے ہیں، ان لوگوں کی نماز جنازہ ایک سنی صحیح العقیدہ امام کر سکتا ہے؟ مدلل جواب سے نوازیں۔