کیا فرماتے ہیں علمائے دین ومفتیان شرع متین ذیل کے مسئلہ کے بارے میں کہ: (۱) زید ریڈ میڈ کپڑے کا کاروبار کرتا ہے اور ہمیشہ ہندو مہاجن سے مال ادھار باقی لاتے رہتا ہے۔ درمیان ایک دو سال کچھ رقم کا مال غلطی سے زید کے پاس زائد چلا آیا، زید ہر وقت منتظر رہا کہ شاید اس رقم کا تقاضہ ہو لہذا آج تک اس رقم کا تقاضہ ہوا ہی نہیں اس صورت میں اس رقم کو اپنے تصرف میں لا سکتا ہے یا نہیں؟ جبکہ اب اپنے سے واپس کرنا خطر ہ سے خالی نہیں۔ (۲) بینک سے روپیہ سود پر لے کر کاروبار کرنا یا بینک میں روپیہ رکھنا اور اس کا سود لینا جائز ہے یا نہیں؟ لوگ کہتے ہیں اس کو سود نہیں کہتے ہیں بلکہ انٹرسٹ کہتے ہیں۔ (۳) عید کے موقع پر سودی روپیہ لے کر تجارت کرنا کیسا ہے؟ (۴) زید اپنے دانش سے پائی پائی زکوۃ نکالتا رہتا ہے مگر پھر بھی زید کے مال کو چوہا خراب کرتا رہتا ہے اس کی کیا وجہ ہے؟ (۵) یہاں ایک ہی جامع مسجد ہے اور دوسرا جمعہ قائم کرنے کو کوئی جائز قرار دیتے ہیں اور کوئی ناجائز جبکہ یہاں کوٹ کچہری بلکہ میونسپلٹی بھی قائم ہے اور یہ شہر سبڈیو یزن بھی ہے، ایسے شہروں میں دوسرا جمعہ قائم کرنا جائز ہے یا نہیں؟ بلکہ دوسری مسجد بھی پختہ بنی ہوئی ہے۔ المستفتی: صادق احمد یوسفی الرشیدی اسلام پور ضلع مغربی دیناج پور ( بنگال)