مخدوم مکرم ۔۔۔ جناب مولینا صاحب السلام علیکم واضح ہو کہ نا اہل شرع جناب سے کچھ معلومات دینی حاصل کرنا چاہتا ہے مہربانی فرما کر مطلع فرمائیں۔سوالات درج ذیل ہیں: (1) ولایت میں حضرت مدار علیہ الرحمہ کا کیا مقام یا درجات ہیں؟۔ (۲) سیدنا غوث اعظم کا یہ فرمان ہے کہ میرا قدم تمام اولیاء اللہ کی گردن پر ہے؟ کیا یہ فرمان کبھی اولیاء کرام پر لازم ہے یالا گو ہوتا ہے؟ (۳) آپ نے ایک سوال کے جواب میں تحریر فرمایا ہے کہ بعض بزرگوں نے سلسلہ مداریہ کے سوخت ہونے کی خبر دی ہے تو آپ کرم کر کے یہ تحریر فرمائیں کہ یہ بات کون سی کتابوں اور کن بزرگوں کے قول سے ثابت ہے؟ (۴) جہانگیر اشرف سمنانی رحمۃ اللہ علیہ کس سلسلہ کے تھے؟ (۵) میں نے روحانیت کے تاجدار مصنفہ صاحبزادہ محمد مستحسن فاروقی صاحب کی کتاب میں پڑھا ہے کہ حضرت مجددالف ثانی رحمتہ اللہ علیہ کو غنودگی کی حالت میں دیگر بزرگوں کے ساتھ حضرت مدار