کیا فرماتے ہیں علمائے دین و مفتیان شرع متین مندرجہ ذیل سوالات میں ۔ (1) اکثر لوگ استفتاء میں زید عمر طلحہ زبیر زینب ہندہ کے نام لکھتے ہیں۔ مثلاً زید نے زنا کیا، عمر نے کلمہ کفر بولا، طلحہ نے چوری کی، زبیر اکثر جھوٹ بولتا ہے۔ زینب کا فلاں سے ناجائز تعلق ہو گیا۔ ہندہ نے شراب پی ۔ الحاصل یہ نام صحابہ وصحابیات کے ہیں اور کوئی سوال ایسا نہ ہوا ہوگا کہ کوئی بدفعلی یا بدکرداری کی نسبت ان مقدس ناموں سے نہ کی گئی ہو اور لطف کی بات یہ کہ سنی علماء بھی ان باتوں سے منع نہیں فرماتے کہ مسائل سے آگاہ کریں کہ سوال میں آئندہ ان ناموں سے سوال نہ کرنا۔ کیا یہ صحابہ و صحابیات رضی اللہ تعالیٰ عنہم اجمعین کی تو ہین نہیں؟ (۲) حضور غوث اعظم و حضور امام اعظم میں علم و فضل اور ولایت و بزرگی میں کیا فرق ہے؟ کچھ کہتے ہیں کہ حضور امام اعظم غوث پاک سے ہزاروں درجے بڑھ کر ہیں۔ کچھ کہتے ہیں غوث پاک امام اعظم سے ولایت میں بہت بڑے ہیں ۔ لہذا صاف واضح طور پر تحر پر فرما ئیں کہ کیا عقیدہ رکھنا چاہیے۔ مستفتی: محمد فاروق رضوی و محمد عثمان رضوی سیتا واڑھ جام نگر