کیا فرماتے ہیں علمائے دین و مفتیان شرع متین کہ: میلاد شریف کی محفل میں میلا دخواں حضرات نعت وسلام میں مندرجہ شعر پڑھتے ہیں جس کا مصرع اول ہے: کالی کملی والے تم پر لاکھوں سلام، ثانی مصرع : امت کے رکھوالے تم پر لاکھوں سلام۔ ہمارے قصبہ ساکیت میں جناب عبدالرحمن برکاتی مدرسہ حنفیہ جنگپور، نیہاں مدرسہ کی جانب سے جمعیت سفیر آتی ہے نہ تو عالم اور نہ ہی دینی مسائل میں اتنی معلومات ، مگر آپ وعظ و تقریر بیان فرماتے تیں ، آپ وعظ میں شدید تا کید فرماتے ہیں کہ بجائے کالی کملی والے کے کمبل شریف والے پڑھیں ، کملی والے پڑھنا شرعاً حرام ہے یہاں کے سنی خوش عقیدہ حضرات بیزار ہیں اور کہتے ہیں کہ ہم نے اپنے بزرگوں اور علمائے کرام کی زبانی سنا ہے ہمارے لئے یہ ایک نئی بات ہے۔ لہذا حضور والا سے گزارش ہے کہ از روئے شرع سرکار دو عالم صلی اللہ علیہ وسلم کی شان اقدس میں کیا مذکورہ شعر پڑھنا جائز ہے یا نہیں؟ قرآن وحدیث کی رو سے مفصل اور مدلل جواب عطا فرمائیں جس سے بخوبی واضح ہو جائے نیز غیر مستند عالم کو وعظ کہنا از روئے شرع کیسا ہے؟ مذکورہ عبد الرحمن صاحب نیپالی سلسلہ برکاتیہ سے یہاں لوگوں کو داخل بیعت بھی کرتے ہیں، ان کی خلافت میں رضوی حضرات مشکوک ہیں، فرماتے ہیں کہ مارہرہ شریف میں ہماری الگ گدی لگتی ہے، یہ بات کہاں تک درست ہے؟ مجلس وعظ میں اگر متعدد دفع محمد رسول اللہ کا نام نامی اسم گرامی آئے اور بجائے انگوٹھا چومنے کے صلی اللہ علیہ وسلم یا درود شریف صرف پڑھا جائے تو کیسا ہے؟ یا چومنا ضروری ہے؟ خلاصہ تحریر فرمائیں۔ زید کا کہنا ہے کہ ضروری ہے۔