کیا فرماتے ہیں علمائے دین اس مسئلہ میں کہ : (1) ایک کھیت ہندو کا ہے اور وہ ہندو مسلمان سے یہ کہتا ہے کہ میرا ایک بیگھہ کھیت ہے وہ مسلمان سے چار سو روپیہ میں گروی رکھنا چاہتا ہے مگر وہ یہ کہتا ہے کہ میں جب تمہارے چار سو روپیہ دے دوں تو ہمارا کھیت ہم کو واپس کر دینا جب تک آپ کھیت کی فصل کھا سکتے ہیں مگر مسلمان یہ کہتا ہے کہ ہمارے لئے اس طرح بیاج ہو جاتا ہے مگر کچھ لوگوں کا کہنا ہے اب اس کھیت کا لگان دے کر جائز ہو جاتا ہے آپ صاف صاف تحریر فرمادیجئے۔ (۲) بینک ڈاکخانہ کا منافع جائز ہے یا نہیں مگر ایک رسالہ کے اندر جائز لکھا تھا۔ (۳) کیا فرماتے ہیں علمائے دین اس مسئلہ میں کہ مسجد سنیوں کی ہے مگر سنیوں کی رشتہ داری وہابی غیر مقلد کے یہاں پر ہے رشتے داری کے ناتے اس کی شادی میں ہوتے میں، کھانے میں اس کی دعوت کرنا پڑتی ہے رشتہ داری کے ناتے ان کے جنازے کی نماز پڑھتے ہیں ایک غیر مقلد کا جنازہ سنیوں کی مسجد کے پاس آیا امام کو اس بات کا علم نہ تھا مگر مقتدیوں کو معلوم تھا امام نے نماز پڑھائی سب نے نماز پڑھی تیسرے دن معلوم ہوا کہ یہ جنازہ غیر مقلد کا تھا ایسے مقتدیوں پر کیا حکم ہے؟ اور سنی امام کو اس مسجد میں رہنا چاہیے یا نہیں؟ سائل : حافظ محمد نعیم صاحب، اجھیانی ضلع بدایوں یوپی