الجواب: فی الواقع اگر شوہر نے دو طلاق بہ لفظ طلاق یا کسی اور لفظ صریح سے دی تو دو ہی رجعی طلاقوں کا حکم ہے۔ اگر اس سے پہلے ایک اور نہ دے چکا تو اسے عدت کے اندر رجعت کا اختیار ہے۔ رجعت کا مسنون طریقہ یہ ہے کہ شوہر دو متقی پرہیز گار مردوں کے سامنے کہہ دے کہ میں نے اپنی عورت سے رجعت کی۔ اور بعد عدت ( یعنی اگر عدت گزر چکی تو ) یہ مہر جدید برضائے زن نکاح کر سکتا ہے۔ شک پر حکم عائد نہ ہوگا۔ واقعہ اگر بیوی نے تیسری بار طلاق کا لفظ سنا تو اُسے حلال نہیں کہ شوہر کو اپنے اوپر قابو دے۔ بلکہ اس سے دور رہنا فرض ہے اور یقین کو شک بنانے سے حکم خدا بدل نہ جائیگا، مفتی کا کام اظہار حکم شرع ہے وبس۔ واللہ تعالیٰ اعلم فقیر محمد اختر رضا خاں از هری قادری غفرلہ